بِسْمِ ٱللَّهِ ٱلرَّحْمَـٰنِ ٱلرَّحِيمِ
اللهُ ގެ އިސްމުފުޅުގެ ބަރަކާތުން ފަށަމެވެ. އެއީ، اللهُ ގެ ޙަޟްރަތުން ވާގި އެދި ހުރެ، މި އަޅާ ކުރަން މި ގަސްތުކުރާ ހެޔޮ ޢަމަލު ނިމުމަކަށް ދާނދެން އެ ކަމުގައި ދެމިހުރުމުގެ ހެޔޮ ތައުފީޤު ދެއްވައި މި ޢަމަލު ޤަބޫލުކުރެއްވުން އެދޭ ޙާލުގައެވެ. اللهُ އީ، އެ إِلٰهއަށް ކިޔަމަންގަންނަ އަޅުންނަށާއި، ކިޔަމަންނުގަންނަ އަޅުންނަށާ އަދި އެންމެހައި ޚަލްޤުތަކުންނަށް، ދުނިޔޭގައި ކުދިބޮޑު ނިޢުމަތްތައް ދެއްވާ ރަޙްމާނުވަންތަ إِلٰهއެވެ. އަދި ދުނިޔޭގައި އުޅުނު އިރު އެ إِلٰهއަށް ކިޔަމަންގަތް އަޅުންނަށް، އާޚިރަތުގައި ނުހަނު އޯގާވަންތަ ރަޙީމުވަންތަ إِلٰهއެވެ.
